Video de: Mosawmat Lyrics Amir Hedayah » Lyrics Fox.MusicaDe.Win

Amir Hedayah - Mosawmat Lyrics

[المقطع الأول]
أول دكتور تطعيم
إداني ميدالية هدية
علشان تشميرة كم
وأنا كنت بأساوم أمي
تديني فلوس من جيبها
لهدية عيد الأم
وساومت سلالم بيتنا
إن أنا مش هاجري عليها
وقصادها ما تتعبنيش
و ساومت كتير دكتوري
علشان يكدب على والدي
و يقوله ابنك هيعيش
وساومت الموت على حاجة
ومفيش داعي إني أذكرها
علشان ما أخلفش الوعد
وساومت الحب الأول
إن أنا مش هاعرف غيرها
علشان نفضل مع بعض
وساومت الحزن بضحكة
وساومت الضحكة بوحدة
وساومت الوحدة بواحدة
وساومت الواحدة بشك

[اللازمة]
وكبرت شوية، لقيتني
قضيت عمري مساومات
علشان مهتم بحاجة
بتضيع قدامها حاجات
[المقطع الثاني]
وساومت فلاش الكاميرا
إن أنا هاضحك ويطلع
الصورة بدون أحزان
ووعدت اللون الأسود
يفضل دايماً أقرب لي
من زغللة الألوان
وساومت الذكرى إياها
أفضل عايش جواها
وتعلمني النسيان
وساومت صحابي عليا
على قد ثقتهم فيا
أفضل نفس الانسان

[جسر]
في مسافة ما بيني وما بينك
أنا مش ماشي في شرايينك
كان ممكن أساومك لكن
صورتي هتتهز في عينيكي
وكبرت شوية ولقيتني
قضيت عمري مساومات
علشان مهتم بحاجة
بتضيع قدامها حاجات

[اللازمة]
وكبرت شوية ولقيتني
قضيت عمري مساومات
علشان مهتم بحاجة
بتضيع قدامها حاجات