Video de: A Paghjella Di Limpiccati Lyrics A Filetta » Lyrics Fox.MusicaDe.Win

A Filetta - A Paghjella Di Limpiccati Lyrics

S’è vo ghjunghjite in niolu
Ci viderete un cunventu
Di u tempu u tagliolu
Ùn ci n’hà sguassatu pientu
Eranu una sessantina
Chjosi in pettu à u spaventu

Dopu stati straziati
Da u boia o chì macellu
Parechji funu impiccati
Ci n’era unu zitellu
L’anu tuttu sfracillatu
È di rota è di cultellu

Oghje chi ghjè oghje in corscia
Fateci casu una cria
Si pate sempre l’angoscia
Intesu dì marcumaria
Era quessu u so nome
Mancu quindeci anni avia

S’è vo ghjunghjite in niolu
Ci viderete un cunventu
A brama d’ogni figliolu
A ci dice ancu u ventu
Libertà libertà sempre
Dopu à tamantu spaventu.