Video de: Rap Lyrics Nubru » Lyrics Fox.MusicaDe.Win

Nubru - Rap Lyrics

N txora sen midida txeu bes la na pasádu
Na nha pétu un frida di tamánhu inkalkuládu
Rap txiga na nha vida ê ben pon xinti salvádu
Ben mostra-m saída d'es nos mundu malvádu
Ê faze nhas palávras ben gánha siginifikádu
Ê liberta nha álma ki stába enkarserádu
Ben faze-m xinti fidju di déus abensuádu
Pes amor sen limiti N sa fla un obrigádu
Tinha un vazíu intirior un sedi di risposta
Vida xeiu dor txeu pésu na nha kósta
Stába tudu sen sabor n'es nha vida di bósta
Rap traze-m amor y un grándi prupósta
Mi sen es kultura ê móda Fogu sen vulkon
Na mi dje mistura ê ar pa nha rispirason
Ê más ki un aventura ê nha maior ligason
Ê ta pon la na altura da-m kel grándi vibrason

[Refrão: Dzenh]
Bô, bus brasus ta traze-m konsolu
Djan kre tatuá-u na nha korpu
Bu nomi ta dan nostaljiâ
Enerjiâ bo ê nha folgu
N kre dediká-u es poeziâ
Mésmu ki bo ê párti nha vida (Yaah)
Ê bon diskubri-u di nóvu
R. A. P yeah

Un otu ládu di nha eu ki ta pon ta xinti livri
Ki ta pon xinti na séu y ku más vontádi vivi
El ê nha kretxeu maior prizenti ki djan tivi
Gósi djan tra-l véu vivi ku el djan disidi
El ê nha grándi amor N ta faze-l sen prigisa
Sen ódiu nen ránkor nu sta faze justisa
Ami ê djuntu ku el sa tipu kin djan visia
N sa kori trás d'el mo kin sa kori di pulisia
Bruno ku el, Bruno sen el, es ê ka igual
Poi kanéta sangra na papel el ê nha idial
Ka ten komu diskreve-l el ê algu fenomenal
N ta pása dias ta faze-l nos rilason ê divinal
Gósi N nota ma ê love fórti a todu gás
Sa na mi di kabésa a pé ka ta fálta nun padás
Ami ê R. A. P ta riprezénta amor y pás
N ta vivi pa M. I. C ti nha korpu ka kre más

Bô, bus brasus ta traze-m konsolu
Djan kre tatuá-u na nha korpu
Bu nomi ta dan nostaljiâ
Enerjiâ, bo ê nha folgu
N kre dediká-u es poeziâ
Mésmu ki bo ê párti nha vida (Yaah)
Ê bon diskubri-u di nóvu
R. A. P yeah

Ka ten náda a ver s'es ka ta inténdi nha ideia
Nu entántu tudu dia N ta injeta-l na nha veia
R. A. P, kuzê ki nu sta obi
R. A. P, kuzê ki nu sta xinti
R. A. P, tudu ki nu ta vivi
R. A. P y yeah

Bô, bus brasus ta traze-m konsolu
Djan kre tatuá-u na nha korpu
Bu nomi ta dan nostaljiâ
Enerjiâ bo ê nha folgu
N kre dediká-u es poeziâ
Mésmu ki bo ê párti nha vida (Yaah)
Ê bon diskubri-u di nóvu
R. A. P yeah