Video de: Escola Salesiana De Artes E Oficios Esao Samba Enredo 2025 Lyrics Samba Enredo Cabo Verde » Lyrics Fox.MusicaDe.Win

Samba Enredo Cabo Verde - Escola Salesiana De Artes E Oficios Esao Samba Enredo 2025 Lyrics

[Samba-Enredo: Folia Digital]

Akreditá, konfiá sen ezitá, avansá ke speransa
Uzá teknolojia na bo dia-dia, senpre en sguransa
Ben brinká na fulia des munde dijital
Navegá na majia de realidade virtual
Ma Escola Salesiana xei d'inovasãu
Es é nos karnaval d'éra d'informasãu

Brí bo konta na Facebook i n'Instagram tanbê
Sen fazê bullying nen disrespeitá ningen
Da bu xou na TikTok, navegá pa tude pónta
Ma ka bo dskuidá pa-s ka klonó-be bo kónta

Korrê dede sen mede, korrê dede sen mede
Spaiá na rede sosial, spaiá na rede sosial
Ma guardá bos segrede, bo korrê dede sen mede

Korrê dede sen mede, korrê dede sen mede
Spaiá na rede sosial, spaiá na rede sosial
Ma guardá bos segrede, bo korrê dede sen mede

Kuidóde na rákers t'invadi-be privasidade
Atensãu na haters é ke t'ají ke maldade
Password de bo e-mail bo ten ke memorizá
I bos dadus pesuais n'é pa partiliá

Bo ten ke prezervá bo saúde mental
Evita ezajerá u-ke é dmás faz mal
Uzá net avontade pa ben de sosiedade
So ka bo visiá, ka bo sksê de kontrolá

Bo ten ke prezervá bo saúde mental
Evita ezajerá u-ke é dmás faz mal
Uzá net avontade pa ben de sosiedade
So ka bo visiá, ka bo sksê de kontrolá

Rastá pa sima, rastá pa lóde
Ka bo da like na koza marióde
Rastá pa sima, rastá pa lóde
Internet so é bon s'el for ben uzóde

Rastá pa sima, rastá pa lóde
Ka bo da like na koza marióde
Rastá pa sima, rastá pa lóde
Internet so é bon s'el for ben uzóde