Video de: Hazeny Lyrics Al Massrieen » Lyrics Fox.MusicaDe.Win

Al Massrieen - Hazeny Lyrics

[المقطع الأول]
قبل ما أقابلك، كنت بحس إني عديت سن الستين
كنت بحس شبابي عنوان فيلم قديم
من أيام السينما الصامتة

[اللازمة]
هزني، هزني من جوة
هز بقوة
غير كل خرايط الكون
غير مواعيد وساعات اليوم
هزني، هزني من جوة
هز بقوة
غير ترتيب أيام الشهر
غير ألوان السما والبحر
كسر أصنامي
علمني أتمرد على أوهامي
علمني أصبر على يأسي وعلى أحزاني
وأهرب من الخوف وأحب
هزني، هزني من جوة هز بقوة

[المقطع الثاني]
كنا صغار وكبرنا
رحنا مدارس وإتعلمنا
إزاي نتستر على مشاعرنا
زي أسير هربان من حكم بالإعدام
قضبان ورها قضبان
وحيطان حواليها حيطان
إحنا السجين وإحنا السجان
وحياتنا عيب وحرام وغلط
وكلام وآلام وكلام
هزني
[اللازمة]
هزني، هزني من جوة
هز بقوة
غير كل خرايط الكون
غير مواعيد وساعات اليوم
هزني، هزني من جوة
هز بقوة
غير ترتيب أيام الشهر
غير ألوان السما والبحر
كسر أصنامي
علمني أتمرد على أوهامي
علمني أصبر على يأسي وعلى أحزاني
وأهرب من الخوف وأحب
هزني
هزني من جوة
هز بقوة

[المقطع الثالث]
قريت كتير وما إتعلمتش
قطعت تذاكر لكن ما سافرتش
مشيت، مشيت سنين ما وصلتش
ليل زي النهار والصيف زي الشتا
من حيرة الإنتظار ودمعة البكا
الليل من غير أحلام
ونهار من غير أمل
وتنتهي الأيام من الوحدة والملل
علمني أضحك، علمني أبكي
علمني أكون على طبيعتي
علمني أفكر وصوتي عالي
علمني أصرخ وأقول بحبك
[اللازمة]
هزني، هزني من جوة
هز بقوة
غير كل خرايط الكون
غير مواعيد وساعات اليوم
هزني، هزني من جوة
هز بقوة
غير ترتيب أيام الشهر
غير ألوان السما والبحر
كسر أصنامي
علمني أتمرد على أوهامي
علمني أصبر على يأسي وعلى أحزاني
وأعيش، وأعيش وأحب