Video de: Feminini Siite Lyrics Allschwil Posse » Lyrics Fox.MusicaDe.Win

Allschwil Posse - Feminini Siite Lyrics

Was isch dini femini Siite?

Mir hän Coolness, mir hän Style, mir breake und tanze uhuere geil
Mir handle’n au, mir mache Druck, bevor du driischlosch, schlöhn mir zrugg
Aber mängmol sueche mir e schtille Egge zum bitz abechille
Ab und zue muesch eifach so losloh und di triibe loh

Mängisch muesch der öppis gönne, was nit alli Mensche könne
Amne warme Summertag e Baum umarme, e Gartehag
Hauptsach einfach Holz aalange, ohni Hoogge Fisch go fange
Nit zum döte, nur zum schtriichle, well si gschmacklich öppisem gliiche

Das isch mini feminini Siite, was isch dini feminini Siite?
Nit nur driischloh, nit nur schtriite, das isch mini feminini Siite

Es git nüt schöners als am See, mit ere Thermoskanne Ingwertee
D’Bei ins küele Wasser hebe, in sich goh und nüt me rede
Nur no schwige und im Liige d’Wulke seh am Himmel triibe
Liigebliibe und denn zfride merke: Es sin all verschiede!

D’Vorurteil diheime loh, keini Fönfrisure schloh
Keini Kunschthoor-Rocker ploge, oder wenigschtens zerscht froge
Am beschte legsch hüt gar kei Uhr aa, gohsch in Solothurner Jura
Und luegsch di prächtig Kreatur aa in dr Schlucht vo dr Verena

Das isch mini feminini Siite, nit um d’Färnbedienig schtriite
Was isch dini feminini Siite? Bim Jasse numme d’Helfti schriibe
Bi gwalttätige Film mitliide
I han e Foulard, dasch us Siide
Wenni e Geissli seh, denn frissi Kriide