Video de: Nooit Good Of T Duch Neet Lyrics Boh Foi Toch » Lyrics Fox.MusicaDe.Win

Boh Foi Toch - Nooit Good Of T Duch Neet Lyrics

Ik hadde veur mien moder
Es bleumkes met ebracht
Zee kwammen uut ons naober's hof
Dat moch wel, ha'k edacht
De naober wier lebendeg kwaod
En mama krek allens
Ik had bloos zeute willen waen
Ik kreeg een mäöltjen op de pens

Mien eerste deerntjen was Katrien
Ik wazze vieftien jaor
Met heufd en harte en hande
Ston ik altied veur eur klaor
Ik hielp op schole met spieken
En kreeg daorveur een één
No is zee meester-doctorandus
En wil mi-j neet meer zeen

Refrein:

Nooit good of 't duch neet
Wa'k probeer
Nooit good of 't duch neet
Immer kump 't daor op neer
Al doo'j ok nog ow beste
En äös i-j dagenlank
't Is nooit good of 't duch neet
I-j kriegt enkel stank veur dank

Ik was 's naor een feest ewest
En leet den auto staon
Miene bene wollen neet meer good
Ik kon neet lieke gaon
De plietsie vroog o'k donne was
Ik zei: "Kö'j dat neet zeen?"
Too most ik met de kaste in
Kiek dat vin'k now gemeen

De kinder neumt mi-j olden gek
Maor ik bun nog kreuzfideel
A'k 's aovends op de bühne stao
Dan geet 't krimineel
As jongen god stoef ik dan rond
En spaor de bötte neet
Maor 'n andern dag lacht zee mi-j uut
Umdat 't lopen neet meer geet