Video de: Wat Moakt Het Oet Lyrics Ede Staal » Lyrics Fox.MusicaDe.Win

Ede Staal - Wat Moakt Het Oet Lyrics

Woar ik geboren bin, woar ik de mensen ken
Dat is mien Grunneger laand, doar aan de woaterkaant
Woar ie de woorden heuren, dij joen gedachten kleuren
De ziel van elk verhoal
Joen aigen toal

't Dialect is nait van stain, 't verandert met de tied
En as ie onze schrievers lezen, din kin je dij veranderingen zain
Of Westerwold, of 't Hogeland, ja elke streek zien aigen variaant
Of Zoltkaamp, Drijburg of Briltil
As ie goud luustern heur je 't verschil

Wat moakt 't oet, wat moakt 't oet, of 't nou onkruud is of roet
Edik blift toch zuur of zoer en 'n agrarier 'n boer
Of 't 'n vel is of 'n vlij, moag van streek of schieterij
Ach wat moakt 't aiglieks oet
Bakker bakt toch brood of stoet

Wat moakt 't oet, wat moakt 't oet, of 't nou onkruud is of roet
Of 't 'n goul is of 'n vak, boudel mout toch onder dak
Of 't 'n ree is of 'n loan, as ie mie mor kinnen verstoan
Dus wat moakt 't aiglieks oet
Bakker bakt toch brood of stoet

Woar ik geboren bin, woar ik de mensen ken
Dat is mien Grunneger laand, doar aan de woaterkaant
Woar ie de woorden heuren, dij joen gedachten kleuren
De ziel van elk verhoal
Joen aigen toal