Video de: Drsidi Abdel Assar Vo El Hama Lyrics Guillermo Sorya » Lyrics Fox.MusicaDe.Win

Guillermo Sorya - Drsidi Abdel Assar Vo El Hama Lyrics

Dr.Sidi abdel assar vo El Hama
Dr Sidi Abdel Assar vo El Hama
Het mal am Morge früe no im Pijama
Ir Strass vor dr Moschee
Zwöi schöni Ouge gseh
Das isch dr Afang worde vo sim
Drama
S isch d Tochter gsy vom Mohamed Mustafa
Dr Abdel Assar het nümm chönne schlafa
Bis är bim Mohamed
Um d Hand aghalte hed
Und gseit: I biete hundertfüfzig Schaf a
Dr Mohamed het gantwortet: Bi Allah, Bi Allah!
Es fröit mi, dass my Tochter dir het gfalla, het gfalla!
Doch wärt isch si, my Seel
Zwöhundertzwänzg Kamel
Und drunder chan i dir sen uf ke Fall la
Dr Abdel Assar hett gseit Oh Sidi
Uf sone tüüre Handel gang i nid y
Isch furt, het gly druf scho
E billigeri gno
Wo nid so schön isch gsy, drfür e gschydi
U wenn es Nacht wird über der Sahara
Luegt är dr Mond am Himel häll und klar a
Und truuret hie und da
De schönen Ouge na
Und dänkt: Hätt i doch früecher afa spara