Video de: Gezurraren Koloreak Lyrics Imanol » Lyrics Fox.MusicaDe.Win

Imanol - Gezurraren Koloreak Lyrics

Gezurraren koloreak
Ugari ta dotoreak,
Hona beren ohoreak.
Zenbat aurpegi ote dituen
Interesaren loreak...
Zein baino zeintzu hobeak,
Gure engainadoreak,
Arantzadun traidoreak.

Gezur zuria, hasteko,
Ez daukagu ahazteko
Eskalafoian jauzteko.
Suge zar batek asmatu zuen
Sagar bat janarazteko...
Ez zuen honenbesteko
Afanez guk ikasteko,
Izango zanik usteko!

Noan zuritik beltzera,
Apaiz jauna omentzera,
Sotanapetik heltzera.
Kristo guztia bidaltzen duzu
Satanastarren eltzera:
Zu hobea omen zera,
Besteok goaz galtzera...
Gezurtiak kixkaltzera!

Ekoloji jazkerako
Berdea ere modako
Daukagu pixkaterako,
Ideialetan kijote baina
Santxo ekintzetarako,
-erosotu garelako-
Deusik ez da aterako.

Gorri uste ta gordina,
Ezker larrosen jardina!
Esperantza zen birjina...
Malamentean esposatzeko,
Kasik hobe mutxurdina...
Aitzakia behar dina:
Haundien lujo berdina;
Pobrearentzat txardina!

Txuri-berde-ta-gorriak
Ere badina larriak,
Erne begi-belarriak!
"oi euskalerri bihotzekoa"
Eskuak tripan jarriak...
Ikurrinaren neurriak
Balekizkite erdiak,
Mesede luke herriak.

Gezurraren ortzadarra,
Lustraturiko txatarra,
Nuen salatu beharra.
Argi faltsuen hondabidean
Nora hoa, untzi zaharra?
Bilatu nahirik ifarra
Goldatzen duen izarra,
Malkoz hazi zait bizarra.