Video de: Samba Enredo 2025 Se Carnaval Era Gente Lyrics Vindos Do Oriente » Lyrics Fox.MusicaDe.Win

Vindos Do Oriente - Samba Enredo 2025 Se Carnaval Era Gente Lyrics

Zbi na tok Kabverde
Consagrá bos amdjer
Ben txá klór ke ses lugar é ondê k'es kizer
Ses ventre sagróde jerá es nasau
I ess pov foi bensuóde ke amor na korasau
Desde primera óra, de primer momente
Ke ses forsa pa lutá, pa suportá sofrimente

De batalha en batalha, es foi fundamental
Pa no bradá independensia nun gritu triunfal
De batalha en batalha, es foi fundamental
Pa no bradá independensia nun gritu triunfal

De Sintanton a Brava
Na tude palavra de nos in
Parte más bnite de nos stória
É kantóde na feminin

De Sintanton a Brava
Na tude palavra de nos in
Parte más bnite de nos stória
É kantóde na feminin

Na tude profisau el konkistá igualdade
Ta inpô respeite i mostrá-l na sosiedade
No da-l se valor na luta dia-dia
Poderóza, fabulóza, oje oli-l na fulia

Bonbú de mnin na kósta, ta kutxi midje na plon, o o o o o
Oiá-l na palku de munde inter ta brilhá ke pe na txon, o-o-o o
Nun vibe kativante, nun flou envolvente
É Vindos do Oriente pa ben mostrá se karnaval éra jente

Se karnaval éra jente, éra un krióla dzaforada
Iluminada, inkantada
Se karnaval éra jente, el éra un stokada d'amdjer
Ta duminá munde inter

Se karnaval éra jente, éra un krióla dzaforada
Iluminada, inkantada
Se karnaval éra jente, el éra un stokada d'amdjer
Ta duminá munde inter