Video de: Tango Misere Lyrics Wia Buze » Lyrics Fox.MusicaDe.Win

Wia Buze - Tango Misere Lyrics

Twij stap veuroet en aine weerom
Bie de waarme klanken van d'akkordeon
Trapst op mien tonen, mor doar geef ik niks om
Zo laank 'k mit die mor daansen kin
De oavond deur, de oavond deur
Tot 'k aal geluden van de morgen heur
En veuls te loat op berre, tango misere

En doe fluusterst in mien oor dingen dij 'k groag wil heuren
Dingen woarvan ik wait dat ze nooit zellen gebeuren
Mor ik leuf die, ik leuf die tegen better waiten in
Omdat 'k gek op die en 'n tango bin

Morgen bist vot, dat zai 'k an dien ogen
Dien mooie woorden binnen aalmoal logen
Hest aal 'n aander, mor dust net asof
Doar wil 'k nait aan denken
Vanoavend nait, Vanoavend nait
Doe stuk verdrait
't Komt zo as 't komt en 't gaait zo as 't gaait
En veuls te loat op berre, tango misere

Wast tegen mie zegst, kin mie nait meer steuren
Dien smoesies kin ik van achter noar veuren
't Is 'n illusie, dat wait 'k aal te goud
Hol mie stief vast
Dien aarms om mie tou, dien aarms om mie tou
'k Kniep die bont en blaauw
Morgen is morgen en nou is nou
En veuls te loat op berre, tango misere