Escucha música Wat Jitt Uns Die Sintflut Ahn de Bap 2025 en línea | Musica Kpop

Bap - Wat Jitt Uns Die Sintflut Ahn Lyrics

1)
Langsam möhts du rejistriert hann,
wat für'n Fijur du he affjiss,
dat du suwiesu nix dunn kanns,
wat dir donoh nit peinlich ess.

Mann, du jehß uns op de Nerve.
Joot, o.k. die Zündschnur brennt.
Jeder moht noch ir'ndwann stirve,
ohne Täsch em letzte Hemp.
Wozo noch lamentiere ? Lang jenoch jestreß.
Kumm, lommer fiere, et ess wie et ess.

Refr.:
Wat jitt uns die Sintflut ahn,
sulang mer he noch danze kann?
Joot, dat Plaatz ess om Vulkan
un dat mir all kein Kinder hann.

2)
Du liss völlig nevve 'm Trend, Mann,
wenn du dir Jedanke mähß.
Ey, Mann, jevv dir doch die Kugel,
wenn du keine Spaß verdrähß.
Nix mieh zo verliere, nemm dir watte kriss.
Kumm, lommer fiere, et ess wie et ess.

Refr.:
Wat jitt uns die Sintflut ahn,
(2x) sulang mer he noch danze kann?
Joot, dat Plaatz ess om Vulkan
un dat mir all kein Kinder hann.

Övverhaup: Et jing noch immer joot,
met mieh oder winnjer Bloot, letzendlich jing et joot.
Un wie't ussüht, kütt et wie et kütt,
ejal ob mer draan drieht oder et blieve lieht.

Vun mir uss, mohl du dinge Düvvel ahn de Wand,
wenn du dann besser schloofe kanns.

Refr.:
Wat jitt uns die Sintflut ahn,
(2x) sulang mer he noch danze kann?
Joot, dat Plaatz ess om Vulkan
un dat mir all kein Kinder hann.