Escucha música Wat Usser Rockn Roll de Bap 2025 en línea | Musica Kpop

Bap - Wat Usser Rockn Roll Lyrics

1)
Die nähxte Stadt, dieselbe Crew, nur`n andre Hall,
en Dos`Bier un Schwachsinn om Hotelkanal.
Häzzschlaach em Takt vun `nem Song, dä du ald 1000 Mohl
op dä Tour jespillt häss.
Häss dir ahm Telefon
de Finger wundjewählt.
Wenn se sich doch melde däät !!

2)
Ding Phantasie läuf Amok, un du stells dir vüür,
wie `e se em Arm hällt
un Sprüch afflööt, die se vun dir nie jehührt.
Nur als Streuner häss du dich joot jeföhlt.
Wat, usser Rock `n Roll
un wat dozojehührt,
hätt dich je intressiert ?

Refr.:
Eez wenn et Saalleech stirv, un du`m Verfoljer stehs
un vun der Bühn uss die Jeseechter siehs,
für die du noh Stääne griefs,
eez wenn du op die Reis durch ding Erinnrung jehs,
bess du do, wo du Jeföhle ennjestehs,
kalt un heiß ... laut un leis:
Wat, usser Rock `n Roll
un wat dozojehührt,
dich noch berührt.

3)
" ... un wat blieht övvrisch ?” – hässte dich schon oft jefrooch,
wenn du ir`ndwo wachloochs
un dir dann selvs e X zum U paratjemaat.
" Ess et dat wert ?” wenn du die Schirve soochs,
immer ohne Antwoot.
Dat bessje Rock `n Roll
für all dä Selvsbetrooch,
ess dir dat – em Ähnz – jenooch ?