Escucha música Parv Music Sicklot Y Uzman Agyakaari Romanized de Genius Romanizations 2025 en línea | Musica Lyrics

Genius Romanizations - Parv Music Sicklot Y Uzman Agyakaari Romanized Lyrics

[Intro: Parv Music]
Agyakaari

[Verse 1: Parv Music]
Jab mic pe aate Parv aur Sick
Leke apna saara dard aur dil
Saare puchhe itni si umar mein kaise kar lete
Naa unhein pata kitna toota ghar aur lage kitne din
Parv Sharma, Uttar Pradesh ki paidaaish
Shuru se maa ka laadla, shuru se raha maahir
Shuru se sabka khaas kyuki karta tha padhai
Par jabse likha apna khudka, pen ki keemat samajh aai
Pees-pees daala pehla gaana aur suna pehla taana
Kuchh dhang ka kar lena agar ghar pe hai paisa laa raha
Par mai kisiki sunne wala kaha
Teen saal baad, aaj mujhe sunte hai kuchh laakh
Bees-bees mila Ansh se, kehta ek aur ladka hai
Tujh jaise khoob likhta hai, tu hai akela nahi
Hui meri Shrey se pehli baat
Chaudah saal ke ladke mein kaise hunar likhna tha
Mai akela nahi tha jo bhaaga sapno ke pichhe
Chhod kе apno ko pichhe, todke jitne bhi sheeshе
Do chhote se bache kaise inn mardo mein jeete
Aaj hanste hai kehke ki hum in dardo se seekhe
Aaj, papa chod se kehte ye mera beta hai
Behne garv se kehti ye mera bhai hai
Maa ki aankhon mein mai aansu dekhta hu jab bhi khushi ke
Pata chalta hai meri kya kamaai hai
Sab bole tujhe jaane sab bas Karma ki wajah se
Mai bolu mujhe jaane mere karma ki wajah se
Jitna mila gaano se, hai wapis bhi dena
Kuchh bole DM mein, mai jee raha hu Parv Sharma ki wajah se
Kuchh paa liya, khud se hu mai bohot door
Ab saare chahne wale bole bohot khoob
Sab puchhe mujhse, "Rukega kab tu?"
Jab Parv aur SickLot honge sabhi ke top two
Agyakaari
[Verse 2: SickLot]
Saatvi class, aankhein band mere the bohot sapne
Daala tha pehla gaana, hanste mere dost apne
Par aaj wo bolte, "Kaash hum tere jaise ho sakte"
It makes me feel shayad sabke hote do chehre
Khair, do chehre nahi par mere paas do raaste
Aur sochu ki kahaan pe meri jagah koi jawaab de
Ek taraf hai wo jahaan pe jaa rahe the saare classmates
Ek taraf jahaan khaali gufa mein bas ek thi roshni
Mujhe bas roshni dikhi to kabhi khauf nahi kari
Banake audio ki reel'ein daali, hopes nahi thi koi
Par tha mila ek parivaar, Hustlepur
Tab seekha tha tareeka, hustle full
Tabhi suna tha gaana ek haa, "Roar" uska naam tha
Tab dekha pehli baar ye rapper Moradabad ka
Socha tha ki aaj ka par kal ka bhi scene iske kandho pe
Isme wahi bhookh jo khaale career ek-aadh bando ke
Aur aaj, dekhoge toh aap bhi ye samjhoge
Ki koi nahi rok paata jab bhi mic pe aate Parv aur Shrey
Toh kabhi rukna nahi hai, ab hum hai aage kaafi
Par iska dugna chahiye aur koi dukh naa chahiye
Aur poora hone pe jo khatam naa ho sapna chahiye
Aur dhokhe jhele itne zyada mujhe ab naa chahiye
Aur unka sabka chahiye bharosa jo kehte music se nahi kisika bhi kabhi ghar hoga
Aur jab hoga toh sabko dikhaana hai
Suna sabne mujhe, tabhi lagta daam mere gamo ka
[Outro: Parv Music & SickLot]
Kabhi bhi haar naa maani, kabhi naa na-insaafi
Ab rehta khush jaise ho kabhi ye dil dukha nahi
Zinda ye kalakaari, sabhi ke hum abhaari
Bachpan se agyakaari, bachpan se agyakaari
Kabhi bhi haar naa maani, kabhi naa na-insaafi
Ab rehta khush jaise ho kabhi ye dil dukha nahi
Zinda ye kalakaari, sabhi ke hum abhaari
Bachpan se agyakaari, bachpan se agyakaari