Escucha música Trived Laaparwaah Romanized de Genius Romanizations 2025 en línea | Musica Lyrics

Genius Romanizations - Trived Laaparwaah Romanized Lyrics

[Intro: WONNIT]
If I'm careless, in any case
Sorries can be new bond
Some targets, my etiquettes
Now watch my, sweet tone

[Verse: TRIVED]
Mera naam hai trived, mujhe kehte laparwaah
Uljha hua past mai future ki naa parwaah
Socha tha main karunga naam roshan ghar ka
Par hua aakhir wahi jiska mujhe darr tha
Science ke alawa mere pass aur koi bhi choice nahi thi
Chahiye mujhe arts thi, daba di meri voice gayi thi
Keh ke "arts lene se accha tu ghar pe baith jaa
Clear kar IIT hojaayga future set haa"
Phir 11vi mai lagi mujhe pubg ki thi latt
Samajh nahi aayi chemistry tha har baar same result
Koshishein dhakk jaati jab dikhe kum pratishat
Supplementary deni thi, juta nahi paa rha tha himmat
Kyuki padhu chahe jitna bhi exam mai jaata bhool
Girte padte pass hua, chordi maine school
Jitni bhi ho kumi par zindagi meri thumi nahi
Kehti meri mummy ki "jaa coaching lele dummy hi"
Subah se shaam coaching lekin hua kuch nahi faayda
Teacher jeetu bhaiya nahi joh karte meri shaayta
2 attempt mai se hua ek mai bhi pass nahi
Drop year lene jitna tha mujh mai koi sahas nahi
Ek government college mai kiye 12 ghante vyateet
Waha ki ek bhi branch mai mujhe mili nahi thi seat
Uss din pariwaar pe meri wajah se kya rahi thi beet
Lekin iss niraasha ko lekar kaha gaya hu main jeet
Naam mai irony, college ko failures ka tag
Karti companies hire nahi, karo job ke liye beg
Aur padhaai mai toh waise bhi main karta hi hu lag
Toh ab badhta rehta stress lekin khaali rehta bag
Files aur assignment ka sarr pe bhaari bojh hai
Konsi knowledge? Hum toh attendance ke peeche pohoch rahe
Zindagi aur college ko gaali de raha hu rozz mai
Phir aagaye exam, ratt lo kuch nhi milna soch ke!
Mann nahi sthir har baar ka sangarsh
Marks kattein phir banaye teacher hi vivash
System mai hai gandagi mai gaya usmai fass
Thi jeeni mujhe zindagi par gaya hu ulajh
Nahi nahi padhaai mai mann nahi lagta
Kon hi ginta chala kitna insta
Scroll karke memes hoti career ki chinta
Yeh college hi toh meri neend aur chain ko cheenta
Marks se judge karenge gayi mehnat saari bhaad mai
Marks hote rahe kum jitna unke peeche bhaagte
"Leke aao result baaki saari baatein baad mai"
Anxiety hi badi kuch nahi mila raatein jaag ke
Ek raat pehle padhaai tute exam mai badan
Covid ke baad andar ke student ko kar dia dafan
Class mai teachers ko mera bartaav bhi aata nahi pasand
Aur main karta nahi badlaav toh milta mujhe hai dand
Mujhse hota nahi hai logic build kaise milega placement
Chehre pe bss dikhe guilt, where the other face went?
Thakk gaya main toh bhaag ke kab hogi aakhir race end?
Bhagwaan please kardo bachpan ke woh good old days send
Resume nahi bana naa kuch kar paaya explore
College mai time paisa waste hota lectures mai hu bore
Toh padhta mai YouTube se karta mai teachers ko ignore
Papa ne kaha degree puri kar le beech mai naa chord
Aagya tha college ko chordne ke mai mukaam pe
Taiyaar bikne ko log yaha pe kitne bhi kum daam mai
Seekha sabne bachpan se banke rehna gulaam hai
Main khud bhi laaparwaah toh lagau kispe ab ilzaam yeh?
[Outro: WONNIT]
If I'm careless, in any case
Sorries can be new bond
Some targets, my etiquettes
Now watch my, sweet tone